Einstaklingurinn grunneining heimsfriðar

Þegar fólk lærir Innhverfa íhugun er ástæðan ef til vill ekki sú að það vilji skapa heimsfrið. Samt sem áður var heimsfriður takmark Maharishi þegar hann kynnti Innhverfa íhugun til sögunnar árið 1958. Strax þá lagði hann áherslu á að friður einstaklingsins væri grunnþáttur heimsfriðar líkt og grænn skógur væri ekki annað en samsafn af einstökum grænum trjám. Friður væri óhugsandi án friðsamra einstaklinga. Jafnvel þó að margt gott fólk ynni heilshugar að heimsfriðarmálum krefðist heimsfriður annars og meira en vitsmunalegrar trúar á frið. Heimsfrið væri eingöngu hægt að skapa með umbreytingum á dýpsta sviði mannshugans og með samsvarandi breytingu í líkamanum. Maharishi gerði mönnum ljóst að með djúpum friði hugar og líkama myndu hugsanir, orð og athafnir sjálfkrafa geisla samstillingaráhrifum út í umhverfið.

Peace from the Quantum Level - Dr John Hagelin, Quantum Physicist (5 mins)

Aukin samstilling í samvitundinni

Víðtækar vísindarannsóknir, sem birtar hafa verið í leiðandi vísindatímaritum, sýna að hin öflugu, streituminnkandi áhrif Innhverfrar íhugunar hafa róandi áhrif á samfélagið. Rannsóknirnar sýna að þegar Innhverf íhugun og framhaldsaðferðir Innhverfrar íhugunar eru iðkaðar í hópi dregur úr streitu í samfélaginu í kring; glæpum, ofbeldi og deilum auk þess sem samstilling, jákvæðni og friður eykst almennt. Áhrif þessarar einstöku aðferðar í að koma í veg fyrir samfélagslegt ofbeldi, hryðjuverk og stríð, hefur verið staðfest í meira en 50 tilvikum og með 23 rannsóknum. Farið hefur verið ítarlega í saumana á þessum rannsóknum af óháðum fræðimönnum og þær birtar í bestu fræðitímaritum sem völ er á.

Rannsóknin á fyllstu athygli skilið

Halda má fram með réttu að möguleg áhrif þessara rannsókna slái öllum öðrum rannsóknum við á sviði sálfræði eða félagsfræði. Rannsóknin hefur staðist fleiri tölfræðiprófanir en flestar rannsóknir á sviði átakafræða. Ég held að þessi rannsókn og kenningin á bak við hana eigi fyllstu athygli skilið, bæði frá hendi fræðimanna og stjórnmálamanna.

– David Edwards, PhD, prófessor í stjórnmálafræði við Texasháskóla

Fresli bak við rimla - Innhverf íhugun í fangleslum (5 mín.)

Hvað segja læknar?

Áhrif á heilsu

Huw Dixon, Ph. D., prófessor í hagfræði við Cardiff Business School:

„Ég hef fylgst með rannsóknum á Maharishi áhrifunum eins og þær hafa verið þróaðar á sl. tuttugu árum. Núorðið eru sterkar og samstæðar rannsóknir fyrir hendi sem sýna að [þessi aðferð] er einföld og hagkvæm leið til að til að leysa mörg af þeim samfélagslegu vandamálum sem við stöndum frammi fyrir í dag. Þessar rannsóknir og niðurstöður eru svo öflugar að þær útheimta aðgerðir þeirra sem ábyrgir eru fyrir stefnumörkun stjórnvalda."

Innhverf íhugun í skóla í Úganda

(1:33)