„Íhugun, sköpun, friður“ nefnist ný heimildamynd um David Lynch sem frumsýnd verður hér á landi í Bíó Paradís næstkomandi fimmtudag.  Í heimildamyndinni er fylgst með ferðalagi David Lynch til 16 landa sem hann fór í þeim tilgangi að ræða við ungt fólk um áhugamál sín, þ.e.a.s. Innhverfa íhugun, kvikmyndir og heimsfrið.

David Lynch stofnaði sjóð í eigin nafni árið 2005 til þess að styðja fólk á öllum aldri hvar sem er í veröldinni til að vinna bug á streitu og mótlæti og stuðla að andlegum þroska með Innhverfri íhugun.  Mörgum er í fersku minni koma David Lynch til Íslands skömmu eftir hrunið og fjölmennur fundur sem hann hélt í Háskólabíói.  Í kjölfarið niðurgreiddi sjóður David Lynch námsgjöld um 1.400 Íslendinga í Innhverfri íhugun með 12 milljón króna framlagi.  David Lynch hvatti Íslendinga til þess að læra og stunda Innhverfa íhugun því það væri besta leiðin til að mæta þeim erfiðleikum sem við blöstu og komast hratt upp úr efnahagshruninu.

Í myndinni er sýnt frá heimsóknum David Lynch í marga skóla og stofnanir víða um heim þar sem hann lýsir m.a. eigin reynslu af iðkun Innhverfrar íhugunar s.l. 35 ár og þýðingu íhugunar á sínum ferli.

Aðeins verður um þessa einu sýningu að ræða kl. 18 fimmtudaginn 31. janúar í sal 3 í Bíó Paradís við Hverfisgötu.

Sýnishorn úr myndinni er að finna á vefslóðinni:
http://s3.amazonaws.com/video.dlf.tv/2011/September/MCP/high.mov

Kvikmyndaleikstjórinn David Lynch ávarpar áheyrendur og svarar fyrirspurnum í Gamla bíói miðvikudaginn 9. maí næstkomandi kl. 19:30

Nú eru þrjú ár liðin frá komu David Lynch til Íslands til að kynna Innhverfa íhugun í kjölfar bankahrunsins. Frá þeim tíma hafa um fjórtánhundruð Íslendingar lært Innhverfa íhugun á námskeiðum Íslenska íhugunarfélagsins. Af því tilefni verður dagskrá í Gamla bíói miðvikudaginn 9. maí næstkomandi þar sem kvikmyndaleikstjórinn mun ávarpa gesti og svara fyrirspurnum í gegnum SKYPE. Dagskráin er öllum opin en auk Lynch verða tónlistaratriði, umræður og sýnt úr nýrri heimildamynd Lynch um ferðalög hans víðsvegar um heim til að kynna Innhverfa íhugun. Fundarstjóri verður Sigurjón Sighvatsson kvikmyndaframleiðandi.

Eins og mörgum er í fersku minni dvaldi kvikmyndaleikstjórinn David Lynch hér á landi í þrjá daga í byrjun maí árið 2009.  Hann hélt blaðamannafund, kom fram í sjónvarpi, hitti kvikmyndagerðarmenn og hélt fyrirlestur í Háskólabíói fyrir fullu húsi.

Lynch kom hingað til lands fyrir atbeina Sigurjóns Sighvatssonar kvikmyndaframleiðanda til að kynna íhugunartækni Maharishi Mahesh Yogi, Innhverfa íhugun (Transcendental Meditation). Lynch hélt fram mikilvægi tækninnar í þeim erfiðu aðstæðum sem við blöstu í kjölfar bankahrunsins, ekki aðeins fyrir einstaklinginn heldur samfélagið í heild. Lynch hélt því fram að ef hægt væri að kenna mörgum að íhuga á skömmum tíma myndu Íslendingar ekki aðeins komast fljótt út úr hinum erfiðu aðstæðum heldur myndi samfélagið blómstra og þróast hratt í átt til framfara og velmegunar. Fljótlega myndi draga úr neikvæðum þáttum s.s. glæpum og slysum, en margt af þessu virðist hafa gengið eftir.

Í kjölfar heimsóknar Lynch voru námsgjöld í Innhverfri íhugun stórlega niðurgreidd af sjóði David Lynch í New York sem gerði það að verkum fjöldi fólks sá sér fært að læra tæknina. Í dag hafa um fjórtánhundruð manns gengið í gegnum grunnnámskeið Íslenska íhugunarfélagsins í Innhverfri íhugun og er meiningin að fagna þessum árangri í Gamla bíói með sérstakri dagskrá.

Vinnusmiðja á Friðarþingi skáta í Hörpu
og fyrirlestur í Skúlatúni 2 (risi) þriðjudaginn 16. okt. kl. 19:30

Dr. Ashley Deans, einn helsti talsmaður vitundarmiðaðrar menntunar (Consciousness Based Education), mun dvelja hér á landi dagana 11.–17. október næstkomandi til þess að kynna aðferðina fyrir Íslendingum en hún byggir m.a. á notkun Innhverfrar íhugunar í skólastarfi. Dr. Ashley vann um árabil náið með Maharishi að mótun og uppbyggingu skóla á öllum skólastigum í Fairfiled í Iowa-fylki í Bandaríkjunum sem hlotið hafa margs konar viðurkenningar fyrir einstakan árangur.

„Mitt megináhugamál er að bæta menntun á þann hátt að hún þroski heila og taugakerfi nemandans og þar með greind hans og sköpunarhæfni. Slíkt er hægt með vitundarmiðaðri menntun sem meðal annars felur í sér tækni á borð við Innhverfa íhugun og TM-Sidhi,“ segir Ashley, sem er eðlisfræðingur að mennt en hefur helgað sig skólamálum. Hann mun stýra eins dags vinnusmiðju á alþjóðlegu friðarþingi Bandalags íslenskra skáta sem haldið verður í Hörpu dagana 12.–14. október næstkomandi. Vinnusmiðjan ber heitið „Innhverf íhugun í skólastarfi“. Jafnframt mun hann hitta stjórnmálamenn og skóla.

Dr. Ashley var um 15 ára skeið skólastjóri grunn- og framhaldsskóla í Fairfield í Iowa-fylki í Bandaríkjunum sem kenndir eru við Maharishi, upphafsmann vitundarmiðaðrar menntunar og Innhverfrar íhugunar (sjá http://www.maharishischooliowa.org). Skólinn hefur orðið fyrirmynd annarra skóla víða um heim og hlotið margs konar viðkenningar. Dr. Ashley Deans er um þessar mundir formaður stjórnar skólans og hefur haldið fyrirlestra í meira en 80 löndum til þess að kynna skólann og niðurstöður rannsókna á vitundarmiðaðri menntun. Hann gegnir jafnframt prófessorsstöðu í eðlisfræði og menntavísindum við Maharishi stjórnunarháskólann í Fairfield í Iowa (Maharishi University of Management).

„Á sama tíma og vitund nemandans þroskast dregur úr streitu, hann hvílist og endurnærist og verður betur undir það búinn að læra. Þetta er ekki aðeins ljóst af þeim hundruðum rannsókna sem sýna kosti þess að iðka Innhverfa íhugun fyrir nemandann, heldur einnig af þeim einstaka árangri sem nemendur úr þessum skóla og öðrum skólum, sem tekið hafa þessa aðferð upp, hafa náð.“ segir dr. Ashley Deans sem jafnframt ætlar að útskýra hvernig aðferðin hefur samfélagslega virkni en hún eykur heilbrigði hjá ungu fólki og dregu úr streitu. Þannig vegur hún að rótum félagslegra vandamála, glæpa, hryðjuverka og stríðsátaka og stuðlar að friði.

Dr. Ashley Deans kemur hingað til lands á vegum Bandalags íslenskra skáta og Íslenska íhugunarfélagsins og verður með heilsdags vinnustofu á friðarþingi Bandalags íslenskra skáta, laugardaginn 13. október (sjá http://peacething.is/?p=1431). Þá er dr. Ashley Deans með kynningarfyrirlestur þriðjudaginn 16. október kl. 19.30 í Skúlatúni 2 á vegum Íslenska íhugunarfélagsins, sem er öllum opinn

Nánari upplýsingar í grein eftir Dr. Ashley Deans: Consciousness-Based Education for World Peace