Innhverf íhugun - Fréttir

18. janúar 2010

Námskeið á nýju ári

Grunnnámskeið í Innhverfri hófust á ný þann 15. janúar sl. Þeir sem hyggjast læra á því lága gjaldi sem nú stendur til boða ættu að gera það sem fyrst. Hægt er að skrá sig á tiltekin námskeið fram á vor með því að hringja á skrifstofu félagsins á milli kl. 13 og 16 alla virka daga eða með því að senda tölvupóst á arna@ihugun.is. Næstu námskeið hefjast 22. og 29. janúar kl. 19.30 í skúlatúni 2.

Helgarnámskeið fyrir iðkendur Innhverfrar íhugunar

Helgina 5. -7. nk. verður fyrsta helgarnámskeið vetrarins haldið í nýjum veiðihúsum í Laxá í Kjós. Helgarnámskeið sem þessi eru ætluð iðkendum Innhverfrar íhugunar.
Íhugun á helgarnámskeiðum veitir djúpa og endurnærandi hvíld í friðsælu umhverfi þar sem íhugað er meira en tuttugu mínútur tvisvar á dag undir leiðsögn. Lagt verður af stað eftir vinnu á föstudegi og komið til baka um miðjan dag á sunnudegi. Reynt er að halda kostnaði í algeru lágmarki og einungis boðið upp á gistingu í tveggja manna herbergjum með baði. Verð á mann er kr. 15.000. Húsnæði, grænmetisfæði og kennsla er innifalið. Engar rútuferðir eru á staðinn en brugðist verður við óskum um ferðir þegar ljóst er hversu margir verða ekki á eigin bíl.

Skráið ykkur hjá Örnu á skrifstofu félgasins milli kl. 13-16 alla virka daga eða með því að senda tölvupóst á arna@ihugun.is

Framhaldsfundir á miðvikudögum

Framhaldsfundir eru alla miðvikudaga kl. 20 í Skúlatúni 2. Á framhaldsfundum er hópkönnun og þar gefst tækifæri til að ræða iðkun tækninnar og áhrif. Fundir sem þessir eru góðir til að viðhalda góðum árangri.

Bók David Lynch Fiskað í djúpinu

Fiskað í djúpinu eftir kvikmyndaleikstjórann David Lynch er komin út í íslenskri þýðingu. Hægt er að panta bók hér á vefnum og kostar hún þá kr. 2.700 (verð út úr búð er 3.990). Allur ágóði af sölu bókarinnar rennur í styrktarsjóð til að greiða niður námsgjöld í Innhverfri íhugun. Með því að kaupa bók styður þú framgang átaksverkefnis David Lynch á Íslandi.

PANTA

Rannsókn vikunnar

Pantið einkakönnun

Gott er að mæta af og til í einkakönnun. Einkakönnun veitir reynslu af áreynslulausri íhugun sem er lykillinn að góðum árangri. Pantið tíma í síma félagsins: 557 8008 eða með því að senda póst á ihugun@ihugun.is
Farsímar kennara félagsins eru:
Ari Halldórsson, sími 820 2857
Árni Sigurðsson, sími 662 1362
Kristinn Arnbjörnsson, sími 693 2502
Ivanka Sljivic, sími 861 2394 (eftir kl. 16)
Reynir Santuar, sími 866 0726

Einkakönnun er ókeypis fyrir þá sem hafa nýlega lært (2009) en kostar kr. 2.000 fyrir eldri íhugendur.

ÍSLENSKA ÍHUGUNARFÉLAGIÐ
Skúlatúni 2, 105 Reykjavík, Sími +(354) 557 8008, ihugun@ihugun.is