Eins og auglýst var í síðustu Tíðindum verður haldið helgarnámskeið dagana 6.-8. nóvember næstkomandi, sem opið er öllum iðkendum Innhverfrar íhugunar. Íhugun á helgarnámskeiðum veitir djúpa og endurnærandi hvíld í friðsælu umhverfi þar sem íhugað er meira en tuttugu mínútur tvisvar á dag undir leiðsögn. Lagt verður af stað eftir vinnu á föstudegi og komið til baka um miðjan dag á sunnudegi. Verð fyrir hvern einstakling einan í herbergi er kr. 25.000 en kr. 20.000 fyrir tvo saman í herbergi. Húsnæði, grænmetisfæði og kennsla er innifalið.

Enn er hægt að skrá sig með því að smella HÉR (virkaði ekki í hjá öllum í síðasta pósti) eða með því að fara á vefsíðuna okkar - ihugun.is - og ýta á hlekk sem heitir Skráning. Fljótlega verður samband við alla sem hafa skráð sig og nánari upplýsingar veittar um tilhögun, greiðslu, ferðir o.fl. Fólk er beðið að skrá sig í síðasta lagi næstkomandi mánudag, 2. nóvember.