Stuðlum að betra samfélagi með Innhverfri íhugun

Áframhald verður á kennslu í Innhverfri íhugun í sumar. Námskeið verða haldin reglulega og mun verð námskeiðanna fram eftir hausti áfram vera kr. 10.000. Þetta lága gjald er einstakt, hvergi á Vesturlöndum er það svo lágt. Hvetjið því vini og vandamenn til að læra Innhverfa íhugun á meðan þetta tækifæri gefst. Við Íslendingar höfum einstakt tækifæri sem stendur til að koma hér upp nægilega stórum hópi íhugenda til þess að koma okkur hratt upp úr kreppunni og stuðla að gerbreyttu og betra samfélagi. Breytt samvitund, með því að lífga grunnsvið náttúrunnar, er eina leiðin til að stuðla varanlega að heilbrigðu og samstilltu samfélagi sem stefnir sjálfkrafa í áttina að velmegun og framförum.

Samfélagsleg áhrif að verki

Margt bendir til að áhrifa þess að svo margir hafa lært Innhverfa íhugun að undanförnu gæti nú þegar. Áhrifanna var spáð í vorbyrjun 2009 við komu David Lynch hingað til lands. Nú fáum við stöðugt fréttir af því að neikvæð áhrif kreppunnar á samfélagið séu minni á öllum sviðum en búist hafði verið við. Með því að lífga samsvið allra lögmála náttúrunnar, hljóðasta svið okkar eigin vitundar með Innhverfri íhugun, stuðlum við að aukinni samstillingu, samræmi og jafnvægi í samfélaginu. Í kjölfarið verða allar hugsanir og athafnir fólks, m.ö.o. samfélagsins alls, meira og meira í samræmi við heildarsvið allra lögmála náttúrunnar sem þýðir að færri mistök eru gerð. Það dregur úr fátækt, slysum og afbrotum. Efnahagsþrengingar og önnur samfélagsleg mein og áföll munu fyrr en varir heyra sögunni til. Hugsanir og athafnir verða sjálfkrafa í átt til velmegunar og framfara. Og það þarf aðeins tiltölulega fáa einstaklinga sem stunda Innhverfa íhugun til. Um 50 ritrýndar rannsóknir á samfélagslegum áhrifum Innhverfrar íhugunar í virtum vísindatímaritum staðfesta áhrif Innhverfrar íhugunar og Sidhi tækninnar á samfélagið. Rannsóknirnar eru grundvöllur þess að hægt er að segja fyrir um áhrif íhugunarhópa á samfélagið.

Náttúran hreinsar til

Fylgi stjórnmálamenn þessum grunnbreytingum sem verða á samfélaginu ekki eftir, hlusti þeir ekki eftir breyttum tíðaranda, séu þeir ekki í takti við fólkið og breytta samvitund, missa þeir völd. Þannig sér náttúran um að uppræta spillingu og losa okkur við óhæfa stjórnmálamenn. Aðeins þeir stjórnmálamenn sem skynja breytta samvitund og þau tækifæri sem í henni felast halda velli. Með hækkandi samfélagsvitund fáum við hæfari stjórnmálamenn og betra samfélag.

Gerum Ísland ósigrandi

Takmarkið er að kenna einu prósenti þjóðarinnar, 3.200 manns, Innhverfa íhugun og um 200 manns Innhverfa íhugun Sidhi tæknina. Það mun stuðla að ástandi algers innri stöðugleika í samfélaginu eða því sem Maharishi kallaði ósigranleika (invincibility). Ósigranleiki er ástand þar sem engin ytri áhrif ná að raska innri stöðugleika samfélagsins. Þó að nokkuð sé í land að þetta takmark náist er í sjálfu sér ekki erfitt að ná því. Mikilvægt er að það gerist hratt og að margir leggi hönd á plóg. Mikilvægt er fyrir Íslenska íhugunarfélagið að vita af þeim sem vilja bjóða sig fram og aðstoða okkur við að ná þessu takmarki með hvers kyns aðstoð og umfram allt er mikilvægt að allir haldi áfram að iðka Innhverfa íhugun.

Smellið á myndina til að sjá hana stærri.

Starfsemi íhugunarfélagsins í júlí og ágúst
Í júlí og ágúst mun starfsemi okkar fyrst og fremst beinast að því að kenna byrjendum Innhverfa íhugun. Hlé verður á framhaldsfyrirlestrum en áfram verður opið hús alla virka daga milli kl. 17 og 18 en eftirmiðdagsíhugun hefst á slaginu kl. 17.30. Margir eru farnir að nýta sér þetta tækifæri daglega sjálfum sér og samfélaginu til góðs. Hópíhugun veitir enn dýpri reynslu af tærri vitund.

Vel sótt námskeið Charlotte Bech í júní
Danski læknirinn og ayurvedasérfræðingurinn Charlotte Bech hélt námskeið í Maharishi ayurveda og veitti einkaviðtöl í húsnæði Íslenska íhugunarfélagsins í Skúlatúni 2 dagana 23. - 27. júní sl. Námskeiðið var afar vel sótt og komust færri í einkatíma til hennar en vildu.

Í kjölfarið af komu Charlotte hingað til lands hefur bókaforlag í Reykjavík lýst áhuga sínum á að þýða og gefa út fyrstu bók hennar „Gott og hollt árið um kring“. Jafnframt hefur Charlotte lýst vilja sínum til að koma reglulega hingað til lands til að halda námskeið. Hún mun að öllum líkindum koma á ný á þessu ári.

Frá síðasta fundi Charlotte Beck í Skúlatúni í júní sl. sem eingöngu var ætlaður konum.

Kennaranámskeið í Innhverfri íhugun
Kennaranámskeið í Innhverfri íhugun eru haldin af og til í Evrópu og taka hátt í 5 mánuði í fullu starfi. Í kennaranáminu er lögð rík áhersla á djúpa persónulega reynslu af iðkun íhugunar auk yfirgripsmikillar fræðilegrar þekkingar, þjálfunar og hæfni til að miðla þekkingunni og leiðbeina fólki rétt um iðkun Innhverfrar íhugunar. Íslenska íhugunarfélagið hvetur alla þá sem hafa áhuga á þessu námi til að kynna sér það betur og hafa samband. Kennaranámið veitir aðgang að mestu og mikilvægustu þekkingu um lífið sem nokkur maður á kost á.

Gott er að mæta af og til í einkakönnun. Einkakönnun veitir reynslu af áreynslulausri íhugun sem er lykillinn að góðum árangri. Pantið tíma í síma félagsins: 557 8008 eða með því að senda póst á ihugun@ihugun.is
Farsímar kennara félagsins eru:
Ari Halldórsson, sími 820 2857
Árni Sigurðsson, sími 662 1362
Kristinn Arnbjörnsson, sími 693 2502
Ivanka Sljivic, sími 861 2394 (eftir kl. 16)
Lisbet Nörgaard, sími 896 8508
Reynir Santuar, sími 866 0726
Elke Jennrich, sími 896 858 (frá 12. júlí - 5. sept 2010).

Einkakönnun er ókeypis.