Dagskrá í júní

FRAMHALDSFYRIRLESTRAR
Þekking og reynsla haldast hönd í hönd. Að hlýða á framhaldsfyrirlestra hraðar vitundarþróun. Maharishi hélt því fram að þekking væri besta hreinsunin þar sem hún eyddi efasemdum á þroskabrautinni.
Framhaldsfyrirlestrar hefjast kl. 19.30 á fimmtudögum (ekki miðvikudögum eins og áður) með hópíhugun, spurningum um iðkunina, fréttum utan úr heimi og myndbandsfyrirlestri. Hægt er að sleppta íhugun og mæta beint á fyrirlestur kl. 20.00.

Fimmtudagur 3. júní
Einkenni hærri vitundarstiga.
Fyrirlestur með Maharishi.

Fimmtudagur 10. júní
Innhverf íhugun í fyrirtækjum (Corporate Development Program)
Innhverf íhugun hefur verið notuð í fyrirtækjum um allan heim með góðum árangri fyrir starfsmenn og fyrirtækin í heild. Horft verður á upptökur úr nokkrum fyrirtækum.

Fimmtudagur, 17. júní
School of thought
Ný kvikmynd um sem ber heitið „School of Thought“ þar sem David Lynch fjallar um kosti þess að taka Innhverfa íhugun upp í skólum.

Fimmtudagur, 23. júní.
Sjá röð fyrirlestra með danska lækninum Charlotte Bech.

Fimmtudagur, 1. júlí
Yoga-flug
Skoðuð verður reynsla fólks af líkamlegu svifi í gegnum aldirnar og reynsla núverandi iðkenda TM Sidhi-tækninnar (framhaldstækni Innhverfrar íhugunar). Sýnd verður tiltölulega ný bók um þetta efni sem ber heitið Yogic flying.

ANNAÐ Á DAGSKRÁ Í JÚNÍ

4. – 6. júní
Helgarnámskeið við Laxá í Kjós
Íhugun á helgarnámskeiðum veitir djúpa og endurnærandi hvíld í friðsælu umhverfi, þar sem íhugað er meira en tuttugu mínútur tvisvar á dag undir leiðsögn auk þess em hlýtt er á fyrirlestra með Maharishi.
Námskeiðið hefst með fundi og hópíhugun kl. 18 föstudaginn 4. júní og lýkur kl. 16 þann 6. júní. Enn eru nokkur pláss laus. Leitið upplýsinga hjá Örnu virka daga frá kl. 13–16 í síma 557 8008.
Verð með gistingu, mat og kennslu er kr. 15.000.

Sunnudagur 6. júní kl. 19.30
Fundur fyrir konur.
Í maí sl. var haldinn góður fundur fyrir konur og mundum við gjarnan halda áfram að hittast einu sinni í mánuði. Fundurinn í júní byggðist á hinum fallega fyrirlestri Maharishi: Upptök, farvegur og takmark ástar (Source, course and goal of love).
Á fundinum munum við jafnframt ræða frekari starfsemi kvenna í landinu.
 
Sunnudagur 13. júní kl. 19.30
Félag ungra íhugenda (Students International Meditation Society).
Fundur fyrir unga iðkendur Innhverfrar íhugunar (yngri en 35 ára).
Maharishi lagði jafnan áherslu á að færa ungu fólki þekkingu sína og stofnaði SIMS (Students International Meditation Society) sem hefur að undanförnu gengið í endurnýjun lífdagana um allan heim og blásið lífi í starfsemi hreyfingarinnar.
Meðal annars verður starfsemi Maharishi stjórnunarháskólans (MUM) kynnt og möguleikar á námi þar, starfsemi sjónvarpsstöðvar David Lynch o.fl.
Við munum jafnframt skoða hvað er að gerast í ungliðahreyfingum um allan heim og ræða tillögur og möguleika á stofnun slíkrar hreyfingar hér á landi. Komið verður á símafundi með leiðtogum erlendra ungliðahreyfinga til að hlera hvað er að gerast. Sendið vefpóst á lisbetn@speedymail.org ef þið komist ekki á fundinn en hafið engu að síður áhuga á upplýsingum um SIMS á Íslandi.