Atburðir í maí í Skúlatúni 2
Framhaldsfyrirlestrar
Þekking og reynsla haldast hönd í hönd. Að hlýða á framhaldsfyrirlestra hraðar vitundarþróun. Maharishi hélt því fram að þekking væri besta hreinsunin þar sem hún eyddi efasemdum á þroskabrautinni.
Framhaldsfyrirlestrar hefjast kl. 19.30 með hópíhugun, spurningum um iðkunina, fréttum utan úr heimi og myndbandsfyrirlestri um eftirfarandi:

Miðvikudagur 5. maí: Innhverf íhugun Sidhi-kerfið
Fyrirhugað er að bjóða öllum sem hafa íhugað reglulega undanfarna mánuði upp á námskeið í Innhverfri íhugun Sidhi-kerfinu. Þessi tækni eykur verulega sælutilfinningu, gleði og stuðning náttúrunnar auk þess að stuðla að samstilltara samfélagi. Við munum fara í saumana á þekkingunni að baki þessari framhaldstækni og vísindarannsóknum sem sýna jákvæð áhrif á einstaklinginn, samfélagið og heiminn.
Þeir sem ekki eiga þess kost að sækja þennan fund en hafa áhuga á að sækja námskeið í Sidhi-tækninni eða myndu vilja hlýða á kynningu síðar eru vinsamlegast beðnir að senda vefpóst á lisbetn@speedymail.org

Miðvikudagur 12. maí: Maharishi um myndlist og tónlist
Maharishi hélt þennan einstaka fyrirlestur í mars árið 2006 þegar haldnar voru ráðstefnuraðir í Brahmastan eða miðju Indlands. Hér er með einstökum hætti útskýrt hvernig allar umbreytingar eru listrænar ef þær leiða til aukinnar sæluvitundar.

Miðvikudagur 19. maí: David Lynch – Athugun á möguleikum vitundarinnar.
Einn af þekktari fyrirlestrum David Lynch þar sem hann svarar spurningum nemenda, einkum í myndlist og kvikmyndagerð.

Miðvikudagur 26. Maí: Kyrrðarstund í skólum.
Innhverf íhugun hefur verið tekin upp í hundruðum skóla víða um heim sem „kyrrðarstund“. Við skoðum hvað liggur að baki þessu og þann frábæra árangur sem náðst hefur.

Annað á döfinni:

Sunnudagur 9. maí. Fresta þarf þessum áður auglýsta fundi fyrir ungt fólk. Hann verður auglýstur á ný í júní.

Fimmtudagur 13. maí kl. 19.30
Fundur fyrir konur
Maharishi óskaði jafnan eftir að innan hreyfingar sinnar starfaði kvennaarmur. Allt frá upphafsdögunum heiðraði hann og virti konur sem „mæður mannkynsins“. Í desember 2007 varð draumur hans að veruleika þegar hann stofnaði „The Global Mother Divine Organization“ (skammst. GMDO) eða Alheimssamtök hinnar guðlegu móður. Við munum horfa á þennan atburð á myndbandi og fræðast um þróun kvennaarmsins víða um heim, hinar fimm stofnanir hans auk þess að bjóða öllum konum að taka þátt.
Þær konur sem ekki komast á þennan fund en hafa áhuga á að fá frekari upplýsingar geta sent póst á Ivönku Sljivic, stjórnanda GMDO á Íslandi: ivanka@internet.is

Sunnudagur 16. maí kl. 8.30 – 18.00
Dagur þekkingar
Verð: kr. 5.000. Hádegismatur innifalinn.
Staður: Skúlatún 2
Dagur þekkingar er dagur sem þú helgar þínum persónulega þroska – eins konar smækkuð útgáfa af helgarnámskeiðunum sem haldin hafa verið nokkrum sinnum undanfarið utan við bæjarmörkin. Byrjað er kl. 8.30 að morgni með tvöfaldri íhugun eins og á helgarnámskeiðum (ekki nauðsynlegt að íhuga heima áður). Því næst verður hópkönnun og upprifjun á grundvallaratriðum réttrar íhugunar. Boðið er upp á hádegismat og eftir góðan göngutúr verður fræðslufundur (myndband með Maharishi). Deginum lýkur kl. 18 að kvöldi með íhugun.

Lisbet Nörgaard, kennari frá Danmörku, stjórnar þessum fundum sem fram fara á ensku en þeir sem þurfa þýðingu geta fengið hana.

Gott er að mæta af og til í einkakönnun. Einkakönnun veitir reynslu af áreynslulausri íhugun sem er lykillinn að góðum árangri. Pantið tíma í síma félagsins: 557 8008 eða með því að senda póst á ihugun@ihugun.is
Farsímar kennara félagsins eru:
Ari Halldórsson, sími 820 2857
Árni Sigurðsson, sími 662 1362
Kristinn Arnbjörnsson, sími 693 2502
Ivanka Sljivic, sími 861 2394 (eftir kl. 16)
Reynir Santuar, sími 866 0726

Einkakönnun er ókeypis fyrir þá sem hafa nýlega lært (2009) en kostar kr. 2.000 fyrir eldri íhugendur.