Ágæti íhugandi!

Um 600 rannsóknir á Innhverfri íhugun sl. 40 ár sýna að 20 míntútna íhugun tvisvar á dag skiptir sköpum um góða heilsu. Reglubundin íhugun hefur áhrif á þunglyndi, kvíða, ofvirkni, astma, of háan blóðþrýsing, hjartasjúkdóma og krabbamein svo aðeins fáeinir kvillar og sjúkdómar séu nefndir. Margar þessara rannsókna hafa birst og halda áfram að birtast í virtustu vísindatímaritum heims. Hægt er að fullyrða á grundvelli rannsókna að ekkert eitt atriði geti skipt meira máli fyrir heilsu manna en dagleg iðkun Innhverfrar íhugunar.

Á níunda áratug síðustu aldar hóf Maharishi Mahesh Yogi - ásamt vísindamönnum, fræðimönnum og læknum - að skýra og endurvekja Ayurveda-fræðin, elstu fræði mannkyns um heilsu. Þessi fræði geyma ótrúlega vitneskju um hvers konar lífsmáti og hegðun stuðlar að fullkominni heilsu en geymir jafnframt ráð til að bregðast við ójafnvægi á frumstigi og ráð við einstökum sjúkdómum nái þeir að grafa um sig.

Maharishi menntaði fjölda vestrænna lækna í grunnatriðum Ayurveda, stóð fyrir ráðstefnum helstu sérfræðinga á þessu sviði og setti á fót Ayurveda heilsugæslustöðvar og rannsóknastofnanir í þeim tilgangi að auka heilbrigði í samfélaginu.

Dagana 25. - 30. apríl næstkomandi kemur einn af þessum sérfræðingum til Íslands til að halda námskeið og vera með einkaráðgjöf. Þetta er danski læknirinn og fræðimaðurinn Charlotte Bech sem hefur um áratuga skeið lagt stund á þessi fornu heilbrigðisvísindi í Bandaríkjunum og sínu heimalandi. Charlotte mun jafnframt verða með klukkustundar langa einkaráðgjöf, sem byggir á púlstöku, þá daga sem hún dvelur hér. Óhætt er að hvetja alla iðkendur Innhverfrar íhugunar til að láta ekki þetta tækifæri til kynnast Ayurveda fram hjá sér fara en námskeiðið er öllum opið, jafnt iðkendum Innhverfrar íhugunar sem öðrum. Sjá auglýsingu og nánari upplýsingar hér fyrir neðan.

Með kveðju,
Ari Halldórsson