Minna þunglyndi með Innhverfri íhugun

Nýlega var birt rannsókn á áhrifum Innhverfrar íhugunar á þunglyndi á árlegu læknaþingi um lífsstílsrannsóknir (Society of Behavioural Medicine) í Seattle í Bandaríkjunum. Sanford Nidich, sem starfar við stjórnunarháskóla Maharishi í Fairfield í Bandaríkjunum, kynnti rannsóknina sem gerð var við Charles Drew háskólann í Los Angeles og Hawaii háskólann í Kohala.

Rannsóknirnar voru gerðar á Bandaríkjamönnum af afrískum uppruna og frumbyggjum Hawai, 55 ára og eldri, sem voru í áhættuhópi fyrir hjarta- og æðasjúkdóma. Þeir sem lærðu Innhverfa íhugun voru valdir af handahófi, aðrir hlutu fræðslumeðferð. Notað var staðlað próf til að mæla þunglyndi (the Center for Epidemiological Studies-Depression inventory) yfir 9-12 mánaða tímabil. Að sögn Nidich kom í ljós „læknisræðilega marktækur munur á einkennum þunglyndis hjá iðkendum Innhverfrar íhugunar.“ Hann sagði jafnframt að niðurstöður rannsóknanna hefðu mikilvæga þýðingu til að bæta andlega heilsu og draga úr hættu á slæmum afleiðingum hjarta- og æðasjúkdóma og dauðsföllum.

Mestur munur á milli þeirra sem lærðu íhugun og hinna, sem hlutu fræðslumeðferð, var í þeim hópi sem flokkaður var með alvarleg einkenni þunglyndis. Í þeim hópi dró um 48% úr þunglyndiseinkennum.

Minni einkenni þunglyndis. Myndin sýnir heildarmun á þeim sem stunduðu íhugun og samanburðarhópi.		Myndin sýnir þá sem þjáðust af alvarlegri einkennum þunglyndis, þ.e. muninn í þeim hópi á iðkendum íhugunar og samanburðarhópi.